حكايا مقهى الحياة
الاثنين، مايو 26
مواضيع العبد لله اللي اتنشرت في جرنال الدستور
قبل ان ابدأ في كتابه مواضيعي التي نشرت في جريدتي المفضله الدستور اتوجه بخالص الشكر والتحيه والمحبه والا جلال الي الذي اعتبره مثلا اعلي والذي لم اقابله ولو مره واحده والذي قام بنشر مواضيعي في الدستور دون ان تكون بيني وبينه اي صله سوا الكلمه التي اكتبها وهو اعجب بها الي استاذي
( الرائع محمد هشام عبيه)
عفوا الوطن خارج نطاق الخدمه 000 حاول الاتصال في وقت لاحق
ابلغ تعيير عن الحاله التي نعيشها الان هو اننا نحيا في وطن خارج نطاق الخدمه اليس هذا الامر مؤلما جدا ان نحيا داخل وطن اصيبت شبكته من ابراج تقوية البث الداخليه والخارجيه بالعطب والعساد , وطن يترك ابنائه عرضه للاذلال الداخلي والخارجي ولا يقوم فيه مسئولواحد كبيرا او صغيرا في اي مكان صحراء كان او بستان باخذ حقوق هذا المواطن الغلبان (انشاء الله حتي من دوله واق- الواق )
اتدرون يا ساده معني ان يصبح الوطن خارج نطاق الخدمه 0
انه يعني انك و بعد مرور عشرين عاما من التعليم وضط الاعصاب والسهر ليل ونهار من جانبك والسعي الدءوب من جانب الاب لتوفير المال اللازم للدروس والملابس والذي منه ,لتحصل سيادتك علي الؤهل الذي تريده ثم لا تجد شيئا بعد كل هذا العناء الا كرسي محترم في انتظارك طبعا مش كرسي الوظيفه لا ده كرسي في قهوه المعلم وذه جنب اصحابك الحلوين اللي هما حصلوا عليه من حوالي عشر سنين فاتوا وكل يوم يا ريس مشاريب ولعب دومينو وكله علي الحساب وعندما يصير اقصي طموحك ان تغلب الواد كتكوت عشرتين دومينو وتخلص تارك منه عندها يصبح الوطن خارج نطاق الخدمه لانه لم يوفر لك بعد كل هذا الجهد المكان المناسب لاستكمال طموحك0
هو ان تصاب جميع المرافق الحيويه من واصلات بريه وجويه وبحريه بالفساد التام وان تصبح حياة المواطنين لا تساوي عند حكومة هذا الوطن قرشا واحدا ,عندما تقول الاحصائيه بأن مصر من عام (2000) الي عام (2006) وقع بها (51) حادثة قطار كانمت ضحاياها (6الاف) قتلى و (22 الفا ) مصابين بمعدل 11 حادثا كل عام الا يعد هذا دليلا دامغا علي ان المسؤلين عن صيانه شبكه الوطن الداخليه قد تركوها واهملوها حتي صارت خارج نطاق الخدمه داخليا 0
عندما يصبح المصري رهن اشاره الكفيل الخليجي يفعل به كما يشاء وما يريد لالشئ سوى أنه مصرى الحيطه الواطيه لأمؤاخذه ومع ذلك فلا سفاره تسال ولا وزير خارجيه يهتم أليس هذا يعد(سقوطا فى شبكه الخط الدولى)وبالرغم من ذلك يعود المصرى ليموت غرقا فى
(عباره) فتغرق معه احلامه وسنين طويله من الغربه والشقاء 0
ارفعو ايديكم عن هذا الوطن اتركوه للشرفاء يعيدونه الي الخدمه مره اخري ويضخ في اوصاله دماء جديده 0 ان التاريخ لم يرحم احد
اتزكرون قوم العظيم الشرقاوي (في شرفات هذا العصر وقف الرجال الزائفون مهفهفين ملمعين كي يلفتو ا كل العيون مثل البغايا حين يقطعنا السبيل علي وقار العابرين لكنه عصر ويمضي ) 0
(ملحوظه)
قال لي صديق طبيب ان الانسان اذا استمر جالسا لفتره طويله ما بين 12 الي 24 ساعه دون ان يحرك اطرافه فقد تصاب اطرافه بالتيبس او قد تحدث له جلطه لا قدر الله فما بالكم بمن يجلس منذ 25 عاما 0
وهكذا اذا نديت الوطن يوما ما فلا تفاجا اذا سمعت ردا عليك يقول عفوا الوطن الذي طلبته غير متاح حاليا ربا يكون مغلقا او خارج نطاتق الخدمه من فضلك اعد المحاوله في وقت لاحق
مواضيع العبد لله اللي اتنشرت في جرنال الدستور
لا فارق بين مستشفيات الحكومه ومستشفيات الفلوس00هنا حتموت مالاهمال وهناك
حتموت بالسكته القلبيه ؟ ؟ !!
رحت مستشفي اسيوط العام مع صديق لي والده كان قد اصيب بحاله من الغيبوبه لا ندري ما سببها ودخلنا لاستقباله وما بالك ما الاستقبال حدث ولا حرج نصف ساعه كامله لم نشاهد الا ممرضات وممرضين فقط كل شويه لو سمحتلي يا سستر فين الدكتور دقيقه واحده وسيحضر بعد ربع ساعه ونفس الاجابه بعد مرور نصف ساعه فين الدكتور يا ولاد الـ0000 مخلاص الواحد فاض بيه وقامت الدنيا ولم تقعد في الاستقبال وذلك ليس بسبب حضور الدكتور ولكن بسبب الشوشره التي قمنا بها احتجاجا علي هذ الوضع وبكل برود ردت الممرضه الدكتور حضرتك في اخر أوضه في الطرقه روح كلمه اتاري الدكتور كان معاه تليفون مهم جدا وعمال هئ هئ وكركر في التليفون وقفل السكه بعد مرحناله وتفضل مشكورا بالكشف علي الحاله وتشخيصه وأوصي بالآتي القيام بعمل اشعه مقطعيه علي المخ وكتب روشته تصرف من صيدليه المستشفي علي حسابك الشخصي لان مفيش ادويه تخيل يا محترم ندور علي ممرضه او ممرض يأخذ الحاله علي قسم الاشعه المقطعيه لا نجد احدا يا ليلة ما يعلم بها الا ربنا يا عالم وهو في كده في الدنيا ويمين وشمال وشمال يمين مفيش حد 0رحنا وخدين الحاله احنا حاطين المريض علي الترولي نلف نسال علي مبني الاشعه المقطعيه ووصلنا وعملنا الاشعه ورجعنا احنا بالمريض بارده الي الاستقبال وجلسنا حتي الساعات الاولي من الصباح ولم يره أويمرعليه الدكتور ولم يتلقي فيها المريض الا محلولا في ذراعه وبعض الحقن واشرقت الشمس وكان المريض ابو صديقنا قد انتقل الي جوار ربه وان لله وان اليه راجعون
عن الفساد الاخلاقي وفساد الضمير المهني نتكلم اما في المستشفي الخاص فهذا موضوع اخر فقد كانت لي تجربه شخصيه في هذا الامر كانت قد ألمت بي وعكة صحيه نتج عنها وجوب اجراء عمليه جراحيه وبعد الكشف في المستشفي العام قرر الطبيب اجراء العمليه وبعد التلميح غير الصريح والصريح بعد ذلك بانه اذا اجريت العمليه في المستشفي الخاص سيكون افضل من المستشفي العام طبعا حضرتك فهمت مين هو صاحب المستشفي الخاص ايوه بالظبط اللي جه في دماغك00 الدكتور المعالج00 ورحت المستشفي الخاص بيه وعملت العمليه والحق يقال نظافه تامه وكل الامكانات متاحه ورعايه طبيه جيده بس في مشكله المصاريف يحلو0000 مصاريف ملهاش حل وكله بالفلوس يا معلم ونار يا حبيبي نار من الابره وكبايه الميه الي السرير اللي هتنام عليه بعد متطلع من العمليه وتمت العمليه الحمد لله رب العالمين بنجاح اما الفرق بين المستشفي العام والخاص فهو انك في العام هاتموت من الاهمال اما في الخاص هاتموت برضه بالسكته القلبيه الناتجه عن المصا
ريف المرتفعه جدا جدا جدا جدا في المستشفي الخاص ولا عزاء للفقراء هذا الوطن 0
النعليم في مصر المحروسة
مدارس الخط العربي زمان كانمت ببلاش تتعلم فيها الديواني والكوفي والثلث 00 دلوقت بـ60جنيه وهاتخرج منها وانت متعرفش تفك الخط
الكلام هذه المره عن نوع من الانواع التعليم في مصر المحروسه اعتقد ان الكثير لا يعرف عنه شيئا والذي يعرف عنه شيئا فهو يعرف القليل 0نحن نتحدث عن نظام مدارس (تعلم الخط العربي ) وهذا النظام التعليمي هو نظام تعليمي حر مدة اربع سنوات للحصول علي الاجازه للخط العربي وعامين اخرين للتخصص اي ست سنوات وهوالنظام التعليمي الوحيد في مصر الاختياري الذي تدخله باختيارك لا مجبر عليه بسبب مجموع او مكتب تنسيق ولا يشترط به سن معينه للقبول
كان هذا النظام حتي العام الماضي يتبع قطاع تعليم الفصل الواحد وكان بدون مصاريف اي الدراسه مجانا حتي قررت الحكومه وفقها الله وسدد خطاها ضمه الي قطاع التعليم الابتدائي وخد عندك يا ريس ( رخامه وغتاته وابتزاز للاموال بدون وجه حق) فقد قاموا بوضع مصاريف مقدارها ستين جنيها لكا طالب دون تقديم اي كتاب او ورقه او عمل تأمين صحي للطلاب فانت تقوم بشراء ما تلزمه الدراسه علي حسابك االخاص قديما والان بعد اضافه المصاريف يبقي ايضا الوضع علي ماهو عليه من شرائك ما يلزم من ادوات وكتب علي حسابك الخاص 0اذا فلما كانت هذه المصاريف وما العائد علينا كطلاب لهذا البرنامج او النظام من دفع المصاريف طبعا لا ندري ؟؟
عموما فان دراسه الخط العربي تتيح لك تعلم الخط العربي بانواعه النسخ , الديواني , الثلث , الكوفي ,’ الفارسي , الرقعه اضافه الي فن الزخرفه والزخارف الاسلاميه علي الاخص , كان طاقم المدرسين القائم بالتدريس العام الماضي في المدرسه التي نتلقي فيها هذه الدروس وهي مدرسه جديدة الانشاء تابعه لمحافظه اسيوط علي قدر عالي من الكفاءه وكان احدهم ذا صيت عالمي حتي انه في مسابقه دوليه بتركيا فازت لوحته بمركز الثالث دوليا وكان هو القائم بالاشراف الفني علي المدرسه وله كل الصلاحيات في المدرسه واستبشرنا خيرا واقبلنا علي دراسه الخط بكل حب قبل نهايه العام بدات المشاكل والصراعات تظهر بسبب تدخل شخصيه زات نفوذ كبير في قطاع التعليم الابتدائي في شؤون مدرستنا بسبب كلمه لا التي قالها المشرف الفني لهذا المسؤل حتي لا نتضرر نحن الطلاب بسبب ما يريد المسؤل الكبير 0
ومر العام الاول بسلام 0
وعند بدايتنا الدراسه في هذا العام فؤجئنا نحن الطلاب بان السيد ذا المنصب الرفيع استغل انه كل عام يجب التجديد للمدرسين لانهم يعملون بنظام الحصه لا بنظام العقد وقام بشطب الطاقم التدريسي القديم واستعان بطاقم جديد دون اعلام احد وقام بنقل مقر المدرسه التي ندرس بها من مكانها الاستراتيجي وسط البلده الي طرف ناء جدا سبب الضيق والارهاق لكل الطلاب والطالبات المنضمين الي المدرسه وذلك بسبب تعرض الطالبات الي التحرشات والمعاكسات من الشباب الخليع في هذا الطرف النائي من البلده ولا عزاء للشرفاء , وقام البعض بسحب اوراقهم من المدرسه وقام البعض الاخر بالتحويل الي مدارس المحافظه الرئسيه وقمنا نحن المشاغبين كعادتتنا بعمل شكوي وارسلناها الي طوب الارض ولكن (كانك يا ابو زيد ماغزيت ) بعض المدرسين الجدد مشهود لهم بالكفاءه ايضا والبعض الخر حدث ولا حرج لا استطيع كتابه حرف واحد صحيح وهذا مما كان له عظيم الاثر علينا نحن الطلاب بالانصراف عن متابعة هذه الدراسه 0
أرأيتم ؟ نريد ان نعرف نجن الطلاب اين ذهبت المصاريف وما العائد علينا اذا كانت ليس لنا اي استفاده مما دفعنا (والمعني في بطن الشاعر )؟ وتعظيم سلام لكل الانظمه التعليميه فيكي يا مصر واللي مش عاجبه يشرب من النيل (اوعي رجلك لفيروس c يلهفك )
مهزلة مراكز الشباب
مركز الشباب هو استمارة صيف بس ...لانك لو لعبت كوره هناك حاتدخل علي والدتك متهبب وهدومك متقطعه كأنك راجع من حرب 
علاقتي يا محترم بمركز الشباب اللي جنبنا حلوه جدا ليه؟عشان هوه مركز مطور زي ما مكتوب علي اليافطه من بره وانا غاوي العب كره قدم وعشانتلعب كره القدم عندنا في المركز الرياضي لازم تكون فدائي عشان ارضيه الملعب ارضيه رائعه مكونه من التراب الخاص لا يوجد بها حصاه واحده وازا وزك عقلك ونزلت تلعب لك شوط واحد بس مش مباراة كامله يبقي نهارك اسود 0
هتروح البيت شايل هباب وطين ووحل كفيل يخلي الست الوالده تخرج عن شعورها وتسمعك وصله عزف منفرد من التواشيح اللي بالي بالك من عينه (مالك يا مدهول علي عينك )0 ( متعارك مع مين ياد مين اللي عمل فيك كده ومسح بيك تراب الارض 0؟
وده طبعا غير موشح الهدوم المطينه اللي هترسي عليك تغسلها لوحدك يا بطل لزلك قررت ان اودع لعب كرة اقدم في النادي واكتفي بس بالاشتراك المشرف من الخارج 0
مع تجديدي الاشتراك كل عام بسبب استماره الصيف 0والاستماره دي للي ميعرفش استماره مدعومه ترسل من مديريه الشباب والرياضه
الي مراكز الشباب والنوادي للقيام بعده معسكرات علي تواريخ متباعده خلال الصيف لمحافظات مختلفه مثل شرم الشيخ -الاسكندريه - الطور - مرسي مطروح 0عشان كده الواحد يفضل محافظ علي اشتراكه يكن تظبط معاه في مره ويطلع معاهم معسكر من معسكرات لكن علي مين يا بطل دول موزعينهامن الاول علي بعض في الاداره كل اللي ليه صاحب ولا قريب بيطلعه اللي ضهر يا معلم ميضربش علي (0000) طبعا فاهم المهم 0كل سنه اقول ياد خلاص وصلت وصحيتلك كم واحد من الاداره يمكن تظبط المره دي لكن في كل مره يطلعلك قريب من تحت الارض لواحد فيهم يلطش الاستماره اللي انتا بتحلم بيها وترجع يا بطل تدورلك علي كتاب ولا علي جرنال تتسلي بيه صحيح صحيح انتا في مصر ومن فات قديمه تاه ؟؟؟
تلفزيون الريادة
ربنا تاب علي خلاص من برامج الجريمه لا تفيد والتوك توك المتحول 00عقبالكم
الواحد كان يبقي راجع من الشغل هلكان عايز اي حاجه حلوه يتفرج عليها في التليفزيون لحد (الحاجه متحضرله العشاء ) ايدك علي الريموت هوووب القناه الاولي 0000000 برنامج حواري عن موضوع ملوهش اي لازمه في كلام ملهوش اي معني 0طيب حول علي القناه التانيه 000000 بانوراما فرنسيه حلو الواحد بيحب الاجبي ونشوف هاتعرض ايه في الحلقه دي (ايه ده )هي الحلقه دي متعاده ولا ايه ؟؟يا نهارد اسود هي بعينها حلقه الاسبوع قبل الي فات !استغفر الله العظيم طيب نشوف القناه السابعه 00اخر الم لينا في الليله الغبره دي
الواحد كان يبقي راجع من الشغل هلكان عايز اي حاجه حلوه يتفرج عليها في التليفزيون لحد (الحاجه متحضرله العشاء ) ايدك علي الريموت هوووب القناه الاولي 0000000 برنامج حواري عن موضوع ملوهش اي لازمه في كلام ملهوش اي معني 0طيب حول علي القناه التانيه 000000 بانوراما فرنسيه حلو الواحد بيحب الاجبي ونشوف هاتعرض ايه في الحلقه دي (ايه ده )هي الحلقه دي متعاده ولا ايه ؟؟يا نهارد اسود هي بعينها حلقه الاسبوع قبل الي فات !استغفر الله العظيم طيب نشوف القناه السابعه 00اخر الم لينا في الليله الغبره ديمذيعه الربط تعلن عن برنامج السهره ( سهيتنا الليله بينامج الجييمه لا تفيد) االمذيعه لدغه يا عم والله العظيم لدغه ومتضحكش 0المهم اطفي التليفزيون اسمع راديو احسن وكل واتخمد عشان تصحي بدري تروح الشغل00؟لحد مركبنا المنقذ الجبار ( الدش )يعني يااااااااااااااه اخيرا ,,زسست يالمون المنعش,, براءه يا عم افراج ولن نستعبد بعد اليوم ومن بعدها انقطعت علاقتنا بتليفزيون الرياده والسياده0
لحد الاسبوع اللي فات كنت عند الحلاق ولقيته مشغل التليفزيون علي القناه التانيه شغال برنامج مروريعن ازمه (التوك توك )في محافظه الجيزه بقدمة مذيع تحس انه من شرطه مكافحه الارهاب واللي لفت نظري للموضوع ان سياده المذيع مستضيف رتبه عسكريه كبيره جدا
وبيساله ازاي التوك توك بيدخل مصر اجاب الضيف لا فض فوه ان مافيا التوك توك تستورده علي هيئه موتسيكل وبيتصنع في مصر 00
ايه يا عم انتم لسه بتضحكوا علي الناس موتسيكل ايه ده 0دهوه بيجي كده كامل التصنيع لو مش مصدقني اسال موظفين الجمارك او شفلك فيلم هندي هاتلقيه هناك وسيله مواصلات محترمه وقديمه جدا 00ماهمه لسه بيضحكو ا علي الغلابه بتوع الاولي والتاتنيه 0
حمدت ربنا في سري وبوست ايدي وش وظهرعلي النعمه اللي انا فيها ورحت قاعد علي كرسي الحلاق وكل (الاطه)رحت قايله ربنا يستوب عليك يا بني زي متا ب علينا 0نضف خليهالي زلابطه الدنيا حر وسلملي علي تلفزيون السياده والرياده
ثقافه المصريين اليوم
المستفز (امشي جنب الحيط) والمعبر عن حالنا (رايح في يا فقر ؟رايح لناس اعرفهم دول ماتوا!مانا رايح لخلايفهم) 
من اكثر الامثله الشعبيه سلبيه من خلال وجه نظري هو المثل المصري الصميم 00(امشي جنب الجيط وان طلت امشي جواها )
من اكثر الامثله الشعبيه سلبيه من خلال وجه نظري هو المثل المصري الصميم 00(امشي جنب الجيط وان طلت امشي جواها ) عمرك شفت استفزاز اكثر من كده 0 مش مصدقني طيب تعالي معايه وشوف بنفسك فلاش باك هوووب عشرين سنه للخلف 0
طفل صغير سعيد فرحان ماما بتلبسه هدومه توطي علي ودنه وتقوله ملكش دعوه بحد يا حبيبي وخليك في حالك ولو حد شتمك متردش عليه بس قوله (منك لله وربنا يسامحك )وسيبه وامشي هوووب وبعد مرور عده اعوام علي سماع هذه الوصيه ستستمع الي وصايه اخري علي نفس النمط في اول يوم للجامعه ( خليك في حالك يا حبيبي وامشي جنب الحيط خليك في دراستك ومذاكرتك وبس )اوعي تمشي في مظاهره في الجامعهاحنا مش ناقصين مشاكل اوعي يا بني ابوس ايدك 0
اما اكثر مثل ينبطق علي حال المصريين فهو (رايح فين يا فقر رايح لناس اعرفهم 0دول ماتو 0مانا رايح لخلايفهم ) والمثل الثاني يقول
ان عاشو اكلو الدبان وان ماتو ميلقوش الاكفان 0(وخراب يا دنيا عمار يا مخ)انها ثقافه الفقر المدقع والحاجه والعوز التي انتشرت في طول البلاد وعرضها 0اقتنعت ولا لسه ؟خد عندك نتاج ثقافه الفقر0لما تكون بتحب زميلتك في الكليه او في الشغل او في اي مكان المهم انك بتحب
وفجاة تلاقي حبيتك بتقولك انا جالي عريس وهو جاهز من كله وبابا وافق عليه هاتعمل ايه 0؟ساعتها هاتروح وخداك الجلاله وهاترقع بالصوت الحياني انا حاكلم ابويا واجيلكم 0وتروح مكلم ابوك تروح الست الوالده خبطاك بالمثل ده في وشك (معاك فلوس خش وسلم ممعكش نام ع السلم ) تروح يا معلم حاطط وشك في الارض ومدلدل ودانك زي المعزه وتنام ع السلم ولسن حالك بيقول (الفقري هايفضل فقري والنيل رواه والخير جواه )
الأربعاء، مايو 21
توت..توت
توت توت ...ع الناس بتفوت... توت توت ....وتخش بيوت....توت توت.....وف عز الضلمه...توت توت...بتولع شمعه ... توت توت ... وبتمسح دمعه ...توت توت.... وداوى جراح ....توت توت .. قلب صغنطوط ... توت توت .. ماتياله معايا ..توت توت... وتردو ورايا....توت توت ... الست سعاااااادة...توت توت... اهى جايا معايا ...ع الناس بتفوت
tadwina-62863713-tadwina